បែកពីប្តីយូរជូរមាត់ បើកដៃឲ្យប្រុសថ្មី មានអីចុងក្រោយ បានត្រឹមប្តឹងគេដាក់គុក

ភ្នំពេញ៖ ស្ត្រីវ័យ២៥ឆ្នាំម្នាក់ មានប្តីទៅហើយ បែរជាផុងខ្លួនព្រោះតែ តណ្ហាបាំងមុខ ភ្លេចប្តី រៀបការ ក្រាបក្បាលដល់កន្ទេល បណ្តោយឲ្យ បុរសជាសង្សារថ្មី ឆីតាមចិត្តចង់ រហូតមានរូបអាក្រាតកាយ ក្លាយជាឧបករណ៍ ទុកគំរាម យក រូបកាយនាពេលក្រោយថែមទៀតផង ចុងក្រោយ បានត្រឹមតែសោកការ ប្តឹងបុរសសង្សារដាក់គុក។

យោងតាមការបង្ហោះ ក្លឹមសារយ៉ាងវែងអន្លាយ លើទំព័រហ្វេសប៊ុក ផ្លូវការរបស់ បញ្ជាការដ្ឋានកងរាជអាវុធហត្ថរាជធានីភ្នំពេញ បានបញ្ជាក់ថា នារីរងគ្រោះ មានប្តីរួចទៅហើយ តែដោយ ការងារតម្រូវ រូបនាងត្រូវបានអង្គភាពចាត់ឲ្យ ផ្លាស់មកធ្វើការឆ្ងាយពីប្តី ក្រោយមករូបនាងក៏មានទំនាក់ទំនងផ្លូវភេទ ជាមួយ នឹងបុរសម្នាក់ មានវ័យ ២៦ឆ្នាំ ជាអ្នកធ្វើការជាមួយគ្នា ហើយក៏មានប្រពន្ធរួចហើយដែរ។

នៅពេលរួមភេទ រូបនាង និងជនសង្ស័យធ្លាប់បាន ថតរូបអាក្រាត និងវីដេអូរួមភេទទុកនៅទូរស័ព្ទដៃ ទើបជនសង្ស័យ អាចយកវីដេអូ និងរូបភាព ទាំងនោះមកគម្រាមនាងឲ្យរួមភេទជាមួយគ្នាជាបន្តបន្ទាប់។

ក្រោយមក រូបនាងដឹងខ្លួនថា ប្រព្រឹត្តខុសប្រពៃណី ក៏សម្រេចចិត្តផ្តាច់ទំនាក់ទំនងជាមួយជនសង្ស័យ ប៉ុន្តែជនសង្ស័យមិនព្រម និងបានគំរាម បង្ហោះរូបភាព និងវីដេអូ ទាំងនោះ ជាសាធារណៈលើបណ្តាញសង្គមហ្វេសប៊ុក ទើបនាងសម្រេចចិត្តប្តឹងឲ្យសមត្ថកិច្ច ជួយរកយុត្តិធម៌តែម្តង។

ក្រោយទទួលបាន ពាក្យបណ្តឹង សមត្ថកិច្ចបានឃាត់ខ្លួន ជនសង្ស័យ កាលពីថ្ងៃទី ២៤ ខែមេសា ឆ្នាំ២០១៨ នៅពេលដែលរូបគេ គំរាម ឲ្យនារីរងគ្រោះឲ្យទៅដេកជាមួយ តាមការណាត់។

ក្រោយឃាត់ខ្លួន សមត្ថកិច្ច បានសាកសួរ និងកសាងសំណុំរឿងបញ្ជូនខ្លួនជនសង្ស័យទៅ តុលាការក្រុងភ្នំពេញហើយ កាលពីរសៀលថ្ងៃទី២៥ ខែមេសា ឆ្នាំ២០១៨នេះ ។

ការដែលយើងគ្រប់គ្នាបានដឹងហើយថា នឹងត្រូវមានទោសយ៉ាងនេះ តែបុរសមួយចំនួន នៅតែលួចលាក់ រួមរ័ក្សមេត្រីបៀតបៀន ប្រពន្ធអ្នកដ៏ទៃទៀត ដោយមិនខ្លាចរអារ ដូច្នេះមានន័យថា ស្ត្រីដែលជាប្រពន្ធអ្នកដ៏ទៃនោះ គឺពិតជាល្អលើសគេលើលោកនេះ ជាក់ជាមិនខាន បានជាបុរសទាំងនោះ វៀរលែងពុំបាន។

ជាក់ស្តែងអាវុធហត្ថរាជធានីភ្នំពេញ ទើបតែធ្វើការបង្ក្រាប កាលពីថ្ងៃទី២៤ ខែមេសា ឆ្នាំ២០១៨ និងកំពុងកសាងសំណុំរឿង បញ្ជូនទៅតុលាការ ពាក់ព័ន្ធករណីបុរសម្នាក់ អាយុ២៦ឆ្នាំ ត្រូវបានស្ត្រីម្នាក់ អាយុ២៥ឆ្នាំ ប្តឹងចោទប្រកាន់ ថាបុរសខាងលើ បានប្រព្រឹត្តអំពើគំរាមបង្ហោះរូបភាពវីដេអូរួមភេទ របស់នាង ក្នុងគោលដៅឈ្លានពានផ្លូវភេទ។ តាមបណ្តឹងរបស់នារីរងគ្រោះ បានបញ្ជាក់ថា រូបនាងគឺមានប្តីរួចទៅហើយ តែដោយការងារតម្រូវ រូបនាងត្រូវបានអង្គភាពចាត់ឲ្យ ផ្លាស់មកធ្វើការឆ្ងាយពីប្តី ក្រោយមករូបនាងក៏មានទំនាក់ទំនងផ្លូវភេទ ជាមួយនឹងបុរសម្នាក់ ធ្វើការជាមួយគ្នា ដែលបុរសនោះក៏មានប្រពន្ធរួចហើយដែរ។

មួយរយៈក្រោយមក រូបនាងដឹងខ្លួនថា ប្រព្រឹត្តខុសប្រពៃណី ក៏សម្រេចចិត្តផ្តាច់ទំនាក់ទំនងជាមួយជនសង្ស័យ តែដោយកន្លងមករូបនាង និងជនសង្ស័យធ្លាប់បាន ថតរូបអាក្រាតនិងវីដេអូរួមភេទជាមួយគ្នាក្នុងទូរស័ព្ទដៃ ទើបធ្វើឲ្យជនសង្ស័យយកវីដេអូនិងរូបភាពទាំងនោះ មកគម្រាមនាង ឲ្យរួមភេទជាមួយគ្នាជាបន្តបន្ទាប់។ តែមួយខែចុងក្រោយនេះរូបនាង បានព្យាយាមគេចមិនជួបមុខ និងផ្តាច់ទំនាក់ទំនងផ្លូវភេទ ជាមួយជនសង្ស័យ រហូតដល់ថ្ងៃទី២២ ខែមេសា ឆ្នាំ២០១៨ ជនសង្ស័យបានផ្ញើសារមកគំរាមបង្ខំឲ្យនាងត្រូវតែទៅ រួមភេទជាមួយរូបគេ បើមិនដូច្នោះទេ រូបគេនឹងបង្ហោះរូបភាពវីដេអូរួមភេទរបស់នាងនិងគេ ចូលក្នុងបណ្តាញសង្គមហ្វេសប៊ុក ដោយបានណាត់នាងឲ្យទៅជួបក្នុងថ្ងៃទី២៣ ខែមេសា ឆ្នាំ២០១៨ជាកំហិត ទើបនាងប្តឹងមកសមត្ថកិច្ចអាវុធហត្ថរាជធានីភ្នំពេញឲ្យជួយអន្តរាគមន៍តែម្តង។

តាមវិធានការជំនាញរបស់អាវុធហត្ថរាជធានីភ្នំពេញ ជនសង្ស័យត្រូវបានឃាត់ខ្លួន និងបានសារភាពថា រូបគេពិតជាមានទំនាក់ទំនងផ្លូវភេទ ជាមួយនារីរងគ្រោះពិតប្រាកដមែន ហើយថែមទាំងមានរូបភាពអាក្រាត និងវីដេអូរួមភេទជាមួយគ្នា ក្នុងទូរស័ព្ទដៃផងដែរ តែដោយរូបគេ មានចិត្តស្រឡាញ់នារីរងគ្រោះខ្លាំងពេក មិនអាចបាត់មុខបាន ហើយនាងចេះតែឆ្លើយតបថារវល់ មិនព្រមមកជួបរូបខ្លួន ទើបខ្លួនសម្រេចចិត្តផ្ញើសារជាអក្សរនិងសម្លេង សុំនាងរួមភេទ ដោយគំរាមថា បើនាងមិនព្រមមកទេ រូបខ្លួននឹងបង្ហោះរូបភាពវីដេអូរួមភេទជាមួយគ្នា ជាសាធារណៈតាមបណ្តាញសង្គមហ្វេសប៊ុក ក្រោយមកនាងក៏យល់ព្រម និងបានណាត់ខ្លួនឲ្យមកទៅជួប ក៏ត្រូវសមត្ថកិច្ចចាប់ខ្លួនតែម្តង។

ជាមួយនឹងករណីនេះ អាវុធហត្ថរាជធានីភ្នំពេញ សូមអំពាវនាវទុកជាមេរៀន សម្រាប់យុវវ័យ សូមកុំប្រថុយប្រថាន បំពានប្រពៃណី និង ថតរូបអាក្រាតកាយរបស់ខ្លួន តាមគ្រប់មធ្យោបាយ ដែលអាចធ្វើឲ្យប៉ះពាល់ដល់កិត្តិយស និងសេចក្តី ថ្លៃថ្នូរ ផ្ទាល់ខ្លួនផង ក្រុមគ្រួសារផង ក៏ដូចជាសង្គមជាតិផងដែរ។ ហើយក៏សូមអំពាវនាវ ដល់មនុស្សគ្រប់រូប សូមគិតដល់បញ្ហាច្បាប់ ទំនៀមទម្លាប់ប្រពៃណី សីលធម៌ និង បុណ្យបាប កុំមានចិត្តបំពារបំពានឬបៀតបៀនប្តីប្រពន្ធអ្នកដ៏ទៃ ដែល ជាហេតុបណ្តាលឲ្យមានទោសដល់ខ្លួន និងធ្វើឲ្យគ្រួសារគេបែកបាក់ បង្កើតជាការឈឺចាប់ដ៏សោកសៅក្នុងសង្គម ៕